خزمەتگوزاری چاودێری وورد

یەکەی چاودێری وردی گشتیی لە شاری پزیشکیی فاروق، هەڵدەستێت بە دابین کردنی خزمەتگوزارییەکی پزیشکی چڕ ٢٤ کاتژمێر لە ڕۆژێکدا بۆ سەرجەم ئەو نەخۆشانەی حاڵەتی مەترسیداریان هەیە. وە بە هۆی پەیڕۆکردنی بەکردارکردنە پزیشکییە نوێکان و بەکارهێنانی تازەترین کەرەستەی پزیشکیی؛ دانیشتوانی ناوچەکە ڕووی تێدەکەن بە مەبەستی دەستەبەر کردنی نوێترین خزمەتگوزارییەکانی چاودێری ورد، هەروەها بەهۆی بوونی پسپۆڕی بە ئەزموون و لێزانی بواری چاودێری ورد.

خزمەتگوزارییەکانی ئەم بەشە دەستەبەر دەکرێت بۆ هەموو تەمنێک کە لە سەروو یەک مانگەوە بێت. وە سەرجەم ئەو خزمەتگوزارییە فراوانانەی لە بەشی چاودێری وردا هەیە دەشێت بەکاربێت بۆ حاڵەتەکانی دووچاری منداڵ دەبێتەوە هەر لە حاڵەتە پزیشکییە و نەشتەرگەرییە سادەکانەوە تا ئەو دۆخە مەترسیدار و ئاڵۆزانەی پێویستی بە چاودێری ورد هەیە. هەروەها، بەشی چاودێری وردی گشتیی؛ یەکەی چاودێری وردی نەخۆشەکانی چاندنی گورچیلە لە خۆ دەگرێت، کە تیایدا نەخۆشی چاندنی گورچیلە ڕاستەخۆ داخڵ دەکرێت.

تیمی پەرستاری لە یەکەی چاودێری ورد لامان فرە نەتەوەن و تەواو لێهاتوون لە ئەنجام دانی کارەکانی پەرستارێتی لە بەشی چاودێری ورد. سەرجەم کارمەندەکان بە شێوەیەکی سەرەکی ئەزموونی ٥ ساڵ کارکردنیان هەیە لە یەکەی چاودێری ورد بەر لەوەی دابمەزرێن لە شاری پزیشکیی فاروق. پەرستارەکانمان بە بەردەوامی ڕاهێنان وەردەگرن بۆ دڵنیابوونەوە لە لێهاتوویان لە کاتی ئەنجام دانی کارەکانیان.

ئەو ئامێرانەی لە بەشی چاودێری وردی گشتیی بەکاردێت؛ توانای دابین کردنی ئەو خزمەتگوزاریانە دەکات کە نەخۆش بەردەوام داوای دەکات. لە پاڵ بوونی نوێترین ئامێری هەناسەدانی دەستکرد؛ بەشەکە ئامادە کراوە بە ئامێری چاودێری دڵ و پێداویستییە سەرەکییەکانی چاودێری کردنی حاڵەتە مەترسیدارەکان، هەروەها یەکەی چاودێری ورد ئامێری پاڵاوتنی خوێنی تێدایە بۆ چارەسەرکردنی بەردەوامی گورچێلە لە نەخۆشانی سستی گورچیلەدا، کە ئەمەش تەنها لە شاری پزیشکیی فاروق دابین کراوە.

ئەو خزمەتگوزارییە پزیشکییە تایبەتانەی پیشکەش دەکرێن:

پاش ئەنجام دانی نەشتەرگەری دڵ و بۆرییەکانی خوێن و سنگ لە شاری پزیشکیی فاروق، نەخۆشەکان دەبرێن بۆ یەکەی چاودێری وردی نەشتەرگەری دڵ و بۆرییەکانی خوێن، کە تیایدا تیمی پسپۆڕ ڕاستەوخۆ کاردەکات لەگەڵ پسپۆڕانی نەشتەرگەری بۆ پاراستنی ئاستی چاودێری بێوینە و لەم بەشە نەخۆشەکان لە ژێر چاودێری پزیشکی دڵ و بۆرییەکانی خوێن و پزیشکی پسپۆڕی چاودێری ورد دەبن.

تیمی یەکەی چاودێری وردی نەشتەرگەری دڵ و بۆرییەکانی خوێن بریتین لە پزیشک و پەرستاری بە ئەزموون و لێهاتوو لە بواری پێشکەش کردنی خزمەتگوزاری چاودیری ورد، هەروەها پاڵپشتی دەکرێن لە لایەن پسۆڕانی دیکەی چاودێری تەندروستی. ئەو نەخۆشانەی پێویستیان بە چاودێرییەکی چڕ هەیە پەرستارێکی تایبەتیان بۆ دا ئەنرێت بۆ ئەوەی چاودێرییەکی تاکەکەسیان پێشکەش کرێت. بەشەکە چاودێری و چارەسەر پێشکەشی ئەو نەخۆشانە دەکات کە نەشتەرگەرییە جیاوازەکانی دڵی کراوەیان بۆ ئەنجام دراوە و چادێرییەکی چڕیان دەکەن تا تەندروستیان باش و جێگیر دەبێت.

ئەو نەخۆشانەی دووچاری ئاڵۆزکاری تەندروستی دەبنەوە؛ ڕەنگە پێویست کات بۆ ماوەیەکی زیاتر بمێننەوە، و ئەگەری هەیە پێویستیان بە ئامێری بوژانەوە دڵ بێت کە کۆنتڕۆڵی ئالۆزکارییەکان دەکات. کارمەندانی یەکەی چاودێری وردی نەشتەرگەری دڵ و بۆرییەکانی خوێن وەکوو تیم کاردەکەن و بەپێی پێداویستییەکانی نەخۆش؛ ڕەنگە تیمێکی هەمەپسپۆڕێتی بەشداربن لە چاودێری کردنیان.

چ جۆرە نەخۆشێک داخڵ دەکرێت بۆ یەکەی چاودێری وردی نەشتەرگەری دڵ و بۆرییەکانی خوێن؟

گرنگی یەکەی چاودێری وردی نەشتەرگەری دڵ و بۆرییەکانی خوێن لەوەدایە کە تیایدا چاودێرییەکی وردی نەخۆشەکان دەکرێت بۆ زانینی ئاستی بەرەوپێشجوونی نەخۆشییەکە و زانینی ئاستی کاریگەری جەستە بۆ دەرمانەکان. بۆ ئەو مەبەستەش، چەندین جۆری پشکنین دەکرێت و چاودێری تەندروستی نەخۆشەکە دەکرێت. وە بێجگە لە ئەنجام دانی پشکنینەکانی خوێن؛ پشکنینی ئەرکەکانی دیکەی جەستە دەکرێت، هەر وک ئاستی لێدانی دڵ، فشاری خوێن لە ناو خوێنبەرەکاندا، فشاری خوێنهێنەرە ناوەندییەکان، ئاستی ئۆکسجین و دەرجوونی میز. هەندێک حاڵەت هەیە کە ڕەنگە پێوسیتی بە پشکنینی زیاتر بێت، وەک پشکنینی نازور و سی تی سکان و پشکنینی ڕەنینی موگناتیسی. لە کۆنووسەکانی تایبەت چارەسەرکردنی نەخۆش کە ئامادە کراوە بۆ یەکەی چاودێری وردی نەشتەرگەری دڵ و بۆرییەکانی خوێن؛ ستانداردی جیهانی هەیە بۆ گواستنەوەی نەخۆش لە یەکەکەوە بۆ قاوش.

یەکەی چاودێری وردی منداڵی نەبەکام لە شاری پزیشکیی فاروق، هەڵدەستێت بە پێشکەش کردنی چاودێرییەکی تایبەت بۆ منداڵی نەبەکام کە دووچاری نەخۆشی مەترسیدار بوونەتەوە و پیویستیان بە چاودێرییەکی هەستیارانە هەیە. یەکەکە ئامادەکراوە بە نوێترین تەکنەلۆژیا و تازەگەرییەکانی بواری نەخۆشییەکانی منداڵان و منداڵی نەبەکام.

مەرجەکانی وەرگرتنی نەخۆش

دەبێت تەمەنی منداڵەکە لە ٣٢ هەفتە کەمتر نەبێت بۆ ئەوەی داخڵ کرێت تا تەمەنی تەواو (لە ٤٠ هەفتەی سکپڕێدا).

کارمەندانمان

خۆشحاڵین بە بوونی کارمەندی ناوخۆ و بیانی لێهاتوو و مەشقپێکراو لەسەر پێشکەش کردنی چاودێرییەکی پزیشکیی و پەرستاری ئاست بەرز بۆ منداڵانی نەبەکام کە دووچاری نەخۆشی مەترسیدار بوونەتەوە.

کەرەستەکان

یەکەکە ٥ جێگەی نەخۆشی لە خۆ دەگرێت لەگەڵ ژورێکی جیاکردنەوەی نەخۆش و هەمووشی پەیوەستن بە ئامێری چاودێری کردنی دڵەوە. بەشەکە ٤ ئامێری هەناسەدانی دەست کردی تێدایە بە بەردەوامی؛ کە سیانیان فشاری پۆزەتیڤی بەردەوامی ڕیڕەوی هەوایان تێدایە، لەگەڵ بوونی ئامێری تری زیادە.

ده‌ستگای پارێزه‌ر بۆ كۆرپه‌ی زوو له‌دایكیبوو بەکاردێت بۆ گواستنەوەی کۆرپە لە هۆڵی نەشتەرگەرییەوە یاخود لە ئۆتۆمبیلی فریا کەوتنی خێراوە.

یەکەکە ئامادەکراوە بە ٥ جیگەی تایبەت بە چارەسەر بە ڕووناکی و پێوەرێکی بیلیروبین کە لە رێگەی پێستەوە بەکاردێت بە مەبەستی پێوان و چاودێری کردنی زەردووی.

ئەو خزمەتگوزاری و چارەسەرانەی پێشکەش دەکرێن: