
ڕاوێژکارە پسپۆڕەکانمان خزمەتگوزاری دەستنیشانکردن و چارەسەرکردن پێشکەش دەکەن بۆ مەودایەکی فراوان لە نەخۆشییەکانی سی و گرفتەکانی هەناسەدان و حاڵەتە مەترسیدارەکان. ئەو خزمەتگوزاریانەش بریتییە لە:
- هەڵسەنگاندنی فیزیۆلۆژی بۆ کۆئەندامی هەناسەدان
- هەڵسەنگاندنی ئەرکەکانی سی لە کاتی پشوودان ولە کاتی وەرزشکردندا
- هەڵسەنگاندنی گرفتەکانی خەو
- نازوری بۆریچەکان (بۆرییەکانی هەوا) بۆ دەستنیشان کردن و چارەسەرکردنی نەخۆشی
- هێنانەدەرەوەی ئاوی کۆبۆوە لە سنگدا (سییەکان) بۆ دەستنیشان کردن و چارەسەرکردن، وەرگرتنی شانەیەک لە پەردەی سی و وەرگرتنی شانە لە سییەکان
- دابین کردنی چاودێری بۆ ئەو نەخۆشانەی حاڵەتیان مەترسیدارە و لەسەر ئامێری هەناسەدانی دەستکردن
پسپۆڕانی نەخۆشییەکانی سی و چاودێری ورد و گرفتەکانی خەو لە شاری پزیشکیی فاروق؛ ئەزموونیان هەیە لە چارەسەری زۆربەی حاڵەتە ئاڵۆزەکانی دووچاری ئەو کەسانە دەبنەوە کە کێشەی سی و هەناسەدانیان هەیە.
یەکەی چاودێری هەناسەدان (RCU) لە شاری پزیشکیی فاروق؛ کە پەرستاری تایبەتمەند و پسپۆڕی گرفتەکانی هەناسەدان لە خۆ دەگرێت، هەڵدەستێت بە دابین کردنی زانیاری و ڕاهێنان بۆ ئەو نەخۆشانەی گرفتی مەترسیداری هەناسەدانیان هەیە و بۆ کەسوکارەکانیان بە مەبەستی ئاسان کردنی چاودێری کردنیان لە ماڵەوە.
تیمی سەنتەری گرفتەکانی کۆئەندامی هەناسەدان و خەوتن لە شاری پزیشکیی فاروق؛ توانا و کەرەستەی پێویستیان هەیە بۆ هەڵسەنگاندن و دەستنیشان و چارەسەرکردنی خەو و ناڕێکی هەناسەدان لە کاتی نوستندا. سەرجەم ئەو کەسانەی گومانی توشبوونیان هەیە بە گرفتەکانی خەو؛ دەتوانن سەردانمان بکەن بۆ وەرگرتنی پیشنیاری پێویست و چارەسەر.