بەشی نەشتەرگەرییەکانی میز و میزەڕۆ لە شاری پزیشکیی فاروق؛ پەیوەستە بە دەستنیشان کردن و چارەسەرکردنی ناڕێکییەکانی میز و میزەڕۆ لە پیاوان و ژنان و منداڵاندا، هەروەها نەخۆشییەکانی کۆئەندامی زاوزێی نێرینە. هەر وەک نەخۆشییەکانی گورچیلە، ڕژێنی ئەدریناڵ و بۆری میز و میزەڵدان و ڕێڕەوی میز لە هەردوو ڕەگەزدا لەگەڵ حڵەتەکانی کۆئەندامی نێرینە وەک (گون، گونە وێڵە، بۆی تۆواو، توورەکەکانی تۆو، پڕۆستات و چوک).
لە شاری پزیشکیی فاروق زۆربەی نەشتەرگەرییەکان بە نازور و بە کەمترین دەست تێوەردان ئەنجام دەدرێت، کە ئەمەش ئەبێتە هۆی کەمکردنەوەی ماوەی مانەوە لە نەخۆشخانە و ناڕەحەتی نەخۆش و خوێن بەربوون و خێرا چاکبوونەوەی نەخۆش، هەروەها زووتر گەڕانەوەی بۆ ئەنجام دانی کار و چالاکییە ئاساییەکان، ئەم تەکنیکەش بەکاردێت لە ئەنجام دانی نەشتەرگەرییەکانی گورچیلە و ڕژێنی ئەدریناڵ و ناڕێکییەکانی کۆئەندامی میز بە نازور و لابردنی بەردی گورچیلە و پڕۆستات بە لیزەر.
- هەڵسەنگاندنی کلینیکی بۆ نەخۆشەکان و ئەنجام دانی پشکنینی و ناردنیان بۆ پشکنینی پێویست لە تاقیگە و بینینی پشکنینەکانی تیشک
- وەرگرتنی شانەیەک لە پڕۆستات لە کۆمەوە لە ڕێگەی چاودێری کردن بە شەپۆلەکانی سەروو دەنگ
- وردکردنی بەردی بۆری میز و گورچیلە لە ڕێگەی شەپۆلی تایبەتەوە کە لە دەرەوەی جەستەوە ئاڕاستەی ئەو بەشە دەکرێت
- پێوانی خۆڕی میز
- چارەسەری پتەوکراوە بۆ میزەلدان لە ڕێگەی لێدانی دەرزی BCG یاخود Mitomycin حەفتانە بۆ ناو میزەڵدان
- دانانی قەستەرە لە جۆری فۆلی و سیاتۆفیکس بۆ میزەلدان
- نازوری نەرمی میزەڵدان
- لابردنی قەستەرە لە جۆری J بە نازور و لە ژێر بەنجیی ناوچەییدا
- نەشتەرگەرییەکانی نازور
- لووەکانی کۆئەندامی میز
- نەشتەرگەرییەکانی کۆئەندامی میز لە خانماندا
- نەشتەرگەرییەکانی کۆئەندامی میز لە پیاواندا
- نەشتەرگەری ورد بە مایکرۆسکۆب
- دەرهێنانی تۆو لە گون بە نەشتەرگەری مایکرۆسکۆبی
- نەشتەرگەرییەکانی کۆئەندامی میز و میزەڕۆ لە منداڵاندا
- نەشتەرگەرییە ڕێککارییەکانی کۆئەندامی میز و میزەڕۆ
پسپۆڕێتی نەخۆشییەکانی کۆئەندامی میز و میزەڕۆ هەڵدەستێت بە دەستنیشان کردن و چارەسەرکردنی هەندێک حاڵەتی پزیشکیی (کە پێویستی بە نەشتەرگەری نییە) وەک هەوکردنی بۆرییەکانی میز و هەڵئاوسانی بێ زیانی پرۆستات، هەروەها دەستنیشان و چارەسەرکردنی ئەو حاڵەتانەی پێویستی بە نەشتەرگەری هەیە، وەک: نەخۆشییەکانی میزەڵدان، گون، شێرپەنجەی پڕۆستات، بەردی گورچیلەو بۆرییەکانی میز، کەموکوڕییە زگماکییەکان، حاڵەتەکانی پێکانی کتوپڕ و میز ڕانەگەرتن.
